Muíño de Portorrío

Segundo o publicado por Fernando Cabeza Quiles, nun documento do ano 1390 do TMILG (Tesouro Medieval informatizado da Lingua Galega) cítase "Huu [un] casal e outro no camio [camiño] de Padrón, cabo de [a carón do] rrýo d'Angueyra". Este muíño, aínda existe, cuberto de hedra. Está ao carón da aldea de Angueira de Suso (o segundo casal do documento) nun antigo Camiño Real (o que se cita no documento), hoxe asfaltado. O arruinado muíño pode verse xunto a unha ponte (non é a orixinal do Camiño Real) sobre o río Angueira, de Angueira, de Bascuas ou do Manzanillo, afluente do Sar.