Fonte do Carme

Fonte monumental de gran tamaño con motivos e figuras relixiosas, obra do mestre Pedro da Bárcena en 1557, remodelada posteriormente no século XVIII. Na parte alta do arco pode verse a chegada a Galicia do Apóstolo Santiago, debaixo desta imaxe outra do mesmo santo bautizando á Raíña Lupa cunha cuncha, e na parte inferior a Virxe das Dores. Foi reconstruída cando remataba o século XVIII, onde unha clara inscrición no exterior informa ao recentemente chegado de que se reedificou esta fonte, reinando o señor don Carlos IIII, sendo alcalde don Joaquín Foxi Bendaña, no ano 1789. No interior advírtese que, o ilustrísimo señor don Manuel de Sanlúcar, Bispo de Sidonia, concedeu 40 días de indulxencias a todos os que devotamente rezaren unha salve diante desta imaxe. A tradición conta que a Virxe das Dores, localizada na parte inferior da fonte, é protectora das mulleres embarazadas, por esta razón atópanse candeas e flores ao pé da virxe durante todo o ano.