Mámoa do Castelo Redondo

Túmulo funerario situado na cima dun rechán do outeiro que ocupa o Castelo Redondo. As súas dimensións son duns 13 metros no eixo norte-sur, e 12 metros no eixo leste-oeste, cunha altura máxima de 1 metro. Presenta cono de violación central duns 5 por 4 metros, e 60 centímetros de fondo. Ten a coiraza de laxes de granito dun tamaño medio duns 40 centímetros. O túmulo aproveita diversos afloramentos, sobre os que se asenta.