Hórreo de Manselle

Localizado na Aldea de Abaixo, no punto coñecido como A Eira, ao pé dunha pista asfaltada.

A cimentación é unha repisa alta de cachotaría de granito, duns 50 centímetros de altura. Os soportes son tres cepas encintadas con cemento, cos gabinetes pechados con ladrillo. Os tornarratos son pedras transversais sobre cada cepa. Ten dous claros, con balaústres de madeira e dúas cintas, cunha porta de madeira no lateral leste. Os linteis e as columnas son de pedra e a cornixa de madeira. Penal dianteiro de pedra con porta de madeira, e penal traseiro de pedra e madeira, con dúas cintas. Os dous pinches son de madeira. Armazón de madeira e cubrición de tella do país, atopándose en moi mal estado. Non conserva os remates. Orientado ao NW.

Non se pode concretar a cronoloxía deste hórreo, aínda que parece que é antigo.