Hórreo de Lestrobe

Na rúa do Medio.

Bonito exemplar de hórreo mixto. A cimentación é un muro ou repisa de cachotaría de granito duns 40 centímetros de altura. Os soportes son catro cepas de pedra. O tornarratos é unha única plataforma corrida ao longo de todo o corpo do hórreo. Os gabinetes están pechados con peches de madeira con dúas cintas, con dúas portas no lado oeste e unha no lado leste. Ten tres claros e balaústres de madeira, con dúas cintas, e unha porta de madeira no lateral leste. Non ten linteis. Columnas e cornixa de pedra. Penal frontal de pedra con porta de madeira e penal traseiro tamén de pedra con sete fendas de ventilación horizontais. Ten sobrepenas nos dous pinches, ambos de pedra. Cubrición con uralita e tellas. Os remates son unha cruz alta con extremos florenzados (fáltalle un brazo) sobre base discoidal que descansa á súa vez sobre unha base cuadrangular; e pináculo piramidal no lado oposto. Orientado ao NE.

No 2010, segundo unha veciña si tería máis de cen anos.