Cruceiro de Dodriño

No cruce de tres camiños.

Cruceiro de granito e cemento. Mide 3,70 metros de alto por 1,20 de ancho. O baseamento é unha grade cuadrangular. O pedestal é unha basa prismática de arestas de cara superior en chafrán. O varal é de sección cadrada en inicio e octogonal ou de arestas chafranadas no resto. O capitel ten un equino e un ábaco sinxelos. A cruz é sinxela de sección octogonal.

Ten máis de 100 anos, aínda que non se pode precisar a data. No 2010, un veciña conta que cando era pequena os seus maiores contáronlle que esa cruz estaba alí porque foi onde mataran a un home. Os cortexos fúnebres paraban diante.