Cruceiro da Brañiña

Localízase na fachada da Escola de Teaio, nun cruce de camiños, zona axardinada.

Cruceiro de granito. Mide 3,75 metros de alto por 1,10 de ancho. O baseamento é unha grade de sección cuadrangular O pedestal é unha basa prismática con arestas da cara superior redondeadas. O varal é un fuste de sección cadrada en inicio e octogonal no resto, con símbolos da paixón (escada, tenaces, cravos, martelo). O capitel ten un astrágalo circular, baixo querubíns e acantos en ábaco curvo con catro esquinas matadas. A cruz é de sección cadrada, florenzada. No anverso da cruz ten unha Virxe orante sobre pequena peaña con querubín coroada e con manto. No reverso da cruz non ten figuración

Segundo a ficha do Inventario de Patrimonio, tería máis de 100 anos. Este cruceiro localizábase orixinalmente no extremo occidental da aldea, na zona coñecida como Naval.