Muíño de Valentín

Tamén chamado Muíño da Devesa, aínda que popularmente coñécese como Muíño de Valentín, posto que foi este quen o construíu, arredor do ano 1926.

Construción a partir de muros de cachotaría, agás os marcos de portas e xanelas, que son de cantaría. Cuberta a dúas augas, con remate de tella camba, sobre pranchas de fibrocemento. Trátase dun muíño de regato ou cubo utilizado para moer gran, aínda que tamén se utilizaba para producir electricidade. Unha particularidade deste muíño é a grande altura que se tentou acadar coa canle, para deste xeito gañar a altura suficiente para darlle forza á auga e facelo funcionar. Ten un gran pozo que lle proporciona a forza necesaria á auga cando o caudal do regato e pequeno.