Lavadoiro da Eira da Lavandeira

Lavadoiro construído en 1944 á beira do Camiño Real, sendo alcalde Genaro Vidal, natural desta aldea, en pleno apoxeo da ditadura franquista, e como xesto de magnificencia cara aos seus veciños.

Mide 10 metros de longo, por 4 de ancho, con 10 pedras de lavar. Ten un tellado con tella do país que descansa sobre nove piares de pedra e tres travesas de madeira.

Está situado na Eira da Lavandeira, que ven sendo o “lugar onde se lava a roupa”. Tamén era axeitado para mazar o liño e a la, aproveitando o curso do río Ancho ou río Grande.