Ponte Vella de Catoira

Ponte de cronoloxía medieval situada no antigo Camiño Real de Vilagarcía a Santiago de Compostela, sobre o río Catoira. Posúe dous arcos de medio punto rebaixados, cunhas luces que van dos 2,78 aos 3,77 metros. Trátase dunha ponte con bóvedas de sillería de granito apoiados na rocha do leito, con algunhas marcas de canteiro. O resto está feito con perpiaño e cachotaría, agás a calzada que ten laxes compondo o taboleiro. A día de hoxe non ten pretís. Ademais conta cun van aliviadoiro para soportar as enchentes do canle. Rasante alombada.

Proxectada para favorecer o tránsito de vehículos de tracción animal, carece de peitoril de seguridade. Trátase da ponte principal do Camiño Real que atravesa o concello en sentido suroeste-nordeste.