Hórreo das Rañas

Conxunto de tres hórreos ou cabaceiros de tamaño medio erixidos sobre pés e cepas de cantaría que pertencen a unha tipoloxía mixta (2) e labrados integramente en pedra (1). Trátase dunha versión canónica da comarca caldense, característico por presentar cámara rectangular de estrutura pétrea pechada por táboas de madeira ou fiadas de granito horizontais regulares, que lle conceden unha estilizada proxección vertical. Entre a soleira e a cámara un conxunto de pés e cepas, os primeiros rematados en altura por tornarratos circulares, e os segundos en pezas rectangulares homónimas de ángulos redondeados.

Dous dos canastros aparecen decorados nos alzados penais con remates en forma de cruz latina sen figuración e pináculo de forma piramidal rematados en bóla.