Rampla do Serradoiro de Pereira

Localizada nas inmediacións do Serradoiro de Pereira, á beira do río Ulla, no lugar do Progreso, esta estrutura está composta por dúas pezas principais. A primeira é unha plataforma rectangular que serve de acceso desde terra; a segunda, unha prolongación que se adentra nas augas a modo de rampla, funcionando como peirao e facilitando así a descarga dos barcos para o abastecemento da fábrica. A rampla está construída con grandes bloques de pedra.