Muíño dos Portugueses

O presente muíño, coñecido polos veciños como Muíño da Aldea, conta cun lintel epigrafiado sobre a porta de acceso e un gravado na canle da auga. Pertence á modalidade de rego ou canle e presenta medianas dimensións, situándose á beira do río Catoira, nas proximidades do lugar de Portocanles. Este exemplar, dunha única moa, en regular estado de conservación, é propiedade dun grupo de veciños do mesmo lugar.