Petróglifo Nº 1 do Outeiro da Hedra de Arriba

Trátase duns dos poucos santuarios rupestres con inscrición que se coñece en Galicia. Dúas cazoletas (5 centímetros de ancho e 3 de fondura) situadas simetricamente a ambos lados dunha pía natural na parte superior dun pequeno outeiro rochoso que sobresae uns 2 metros pola parte máis alta, ladeira abaixo. Sitúase á beira dun cortalumes, subindo á dereita, a 40 metros dun promontorio rochoso destacado que hai no medio de dito cortalumes e que se aproveitou parcialmente para a extracción de pedra. Foi atopado en 2015 por Ismael Fontán e localizado posteriormente por Cristina Conde Escaloni e Francisco Ameixiras Sánchez.