Castro de Tarrío

O castro sitúase nos arredores da igrexa parroquial, nun esporón do Monte Xiabre, conservándose o topónimo nas fincas dos arredores. As estruturas son irrecoñecibles aínda que no suroeste parecen conservar algún tipo de aterrazamento. En superficie atopouse cerámica indeterminada e medieval.

O castro mediría uns 300 metros totais no seu eixo maior e ocuparía uns 1.000 m2 de superficie; a croa mediría uns 75 metros no eixo máis longo, e aproximadamente 250 m2 emprazándose no lugar que hoxe ocupa a igrexa parroquial. As terrazas só son visibles no suroeste, aínda que alteradas polos cultivos.